Free Time

રચનાત્મક પ્રવૃતિઓ આપણને સતત કાર્યરત બનાવે છે.
આળસ, કંટાળો, સુસ્તીને દૂર કરી નવું સર્જન કરવાની વૃત્તિ કેળવે છે.
ચિત્ર , પેઇન્ટિંગ બનાવીને તેની યાદી બનાવીએ જે આપણને લાંબા સમયે એક મીઠી યાદ આપશે।
ગીત – સંગીત ગાઈને વિડીયો બનાવીને આપણા મિત્રોને શેર કરીએ।
કાગળમાંથી બનતા વિવિધ પ્રાણીઓના આકાર અને બીજી કેટ-કેટલી આકૃતિઓ જે આપણી શાળામાં આપણે કરતા તેને ફરી બનાવીએ અને આપણા બાળકોને પણ બતાવીએ।

મનપસંદ પ્રવૃતિઓ દરેક માણસના મન પર આધારિત છે.
જે પ્રવૃતિઓ બાળપણમાં આપણી ફેવરિટ હતી જે ક્યાંકને ક્યાંક આપણા વ્યસ્ત સમયમાં કરી શકતા નહોતા તે અત્યારે કરીએ।
આપણે હંમેશા એવું કહેતા હોઈએ છીએ કે મને ટાઈમ નથી મળતો , નહી તો હું આમ કરત ! તો
તો ચાલો આપણી મનપસંદ પ્રવૃત્તિ કરી અને આપણા પરિવારની સાથે શેર કરી એક સારી યાદ બનાવીએ।

કસરત કરવાથી અનેક ફાયદા થાય છે તે બધા જ જાણે છે.
પણ કસરત કરવાનું મન નથી થાતું😟 એનું શું કરવું 😜 ?
એના માટે આપણે ઘરના સભ્યોએ એક સમય નક્કી કરીને પછી સાથે મળીને કસરત કરવી જોઈએ।
એકાદ દિવસ કંટાળો આવશે પણ એકબીજાને જોઈ ખરેખર કસરત કરવાની મજા આવશે।
આનાથી સમય પસાર થશે અને વડીલોને પણ આનંદ થશે.
કારણકે આપણે સૌ મોબાઇલને આપણી દુનિયા બનાવી બેઠા છીએ, એમાં આખું ઘર સાથે બેસીને વાતો કરવાનું ભૂલી ગયા છીએ.

અત્યારના સમયમાં જો કોઈ ફ્રી ન હોય તો એ છે ઘરની મહિલાઓ !
તેને ઘરની સાફ – સફાઈ થી લઈને દરેકને ભાવે તેવી રસોઈ પણ કરવાની છે.
એને કોઈ દિવસ રજા જ ન હોય.
અત્યારે તો તે સૌથી વ્યસ્ત અને સતત ચિંતિત રહે છે કે આજે તો આ બનાવ્યું હવે કાલે શું બનાવીશું ?
તો આપણે તેને ઘરને સાફ કરવામાં અને શાકભાજી સરખું કરવામાં થોડી મદદ કરી શકીએ જેથી તેને થોડી રાહત મળે અને તે પણ થોડો સમય પોતાને મનપસંદ પ્રવૃત્તિ કરે.