કાકડી અને પાલક રાયતા

પ્રસ્તાવના :

• આપણા દેશમાં ઉનાળાની ઋતુમાં ભયાનક ગરમી પડે છે.
• લોકો ગરમીથી બચવા વિવિધ પ્રયાસો કરે છે.
• ખોરાકમાં પણ પરિવર્તન કરે છે.
• જેમ ઠંડી વસ્તુઓ ખોરાક તરીકે લે છે.
• ગરમ ખોરાક ખાવાથી શરીરને ફાયદો થાય છે.
• હાલની પરિસ્થિતિને જોઈએ તો લોકો ઠંડા પીણા,
• કે કોઈ અન્ય ઠંડી વસ્તુ ખાતા- પીતા ડરે છે.
• તો આપણે શરીરને ઠંડક મળે તે માટે દહીં લઈ શકીએ.
• ઉનાળા દરમિયાન દહીં શરીર માટે હળવું અને પૌષ્ટિક ખોરાક સાબિત થયો છે.

દહીં :

• લોકો દહીંનો ઉપયોગ અલગ અલગ રીતથી કરતા હોય છે.
• કોઈક લોકો સાદું દહીં ખાવાનું પસંદ કરે છે,
• જ્યારે અમુક લોકો લસ્સી કે રાયતું બનાવે છે.
• રાયતાના પણ વિવિધ સ્વરૂપો છે જેવાકે, બુંદી, મસાલા, ફ્રૂટ,શાકભાજુ રાયતા વગેરે.
• પરંતુ સરળ રાયતાને પોષ્ટીક સ્વરૂપમાં રૂપાંતરિત કરવા આજની રેસિપી શેર કરું છું.
• આ રાયતું ઉનાળાની ઋતુમાં વધારે અસરકારક સાબિત થાય છે.
• જે સ્વાદમાં ખુબ જ ટેસ્ટી લાગે છે.

કાકડી પાલક રાયતું સામગ્રી :

1 બાઉલ દહીં
1/2 નાની ડુંગળી
1/2 નાની કાકડી
2 ચમચી પાલકની પેસ્ટ
1/2 સમારેલી ડુંગળી
સ્વાદપ્રમાણે 

સેકેલું જીરું,
મીઠું, 
મરી. 

સજાવવા માટે :

કોથમીર 

સેકેલું જીરું 

બનાવવાની રીત :

• એક બાઉલમાં દહીં લઈને તેમાં સમારેલી ડુંગળી અને કાકડી નાખીને હલાવી લો.
• ત્યારબાદ પાલકની પેસ્ટ નાખીને બરાબર હલાવી લો.
• સ્વાદપ્રમાણે સેકેલું જીરું પાવડર, મરી, મીઠું નાખીને હલાવી લો.
• કોથમીરથી રાયતું સજાવીને સર્વ કરો.

પાલક કાકડી રાયતુંના ફાયદા :

• કાકડીમા કેલેરી ઓછી હોવાથી શરીરને ઉચ્ચ પોષકતત્વો આપે છે.
• ઉનાળામાં કાકડી ખાવાની ભલામણ કરવામાં આવે છે કારણકે,
• તે આપણને હાઈડ્રેટેડ રાખે છે જે આંતરડા મજબૂત રાખે છે.
• આની સાથે પાલક પણ એક સુપરડુપર ખોરાક છે.
• તેમાં કેલ્શિયમ,મેગ્નેશિયમ અને આયર્નનું પ્રમાણ વધારે હોય છે.
• જે બ્લડસુગર ઘટાડવા માટે આવશ્યક છે.
• પાલક વજન ઘટાડવા, આંખોની રોશની વધારવા અને હાડકા મજબૂત બનાવવા માટે ખુબ જ ગુણકારી છે.

---